拥33C丰满上围的赵璧渝（Osanna）入行8年，去年终凭无线剧《法证先锋IV》一幕天台除剩Bra戏崭露头角，更带挈她Job量大增。回想过去茄喱啡生涯，试过被剧组遗忘、受伤冇人理、遭白眼，嗰时唔敢同家人讲，自己匿喺房喊，最大压力系冇工开又唔畀得妈咪知，好惊亲戚问拍紧咩……不过如今在《逆天奇案》戏份变多，她认为种种辛酸都是值得的，现时会捉紧机会乜都试，并以杨茜尧（原名杨怡）为目标，由艺训班逐步爬上视后宝座
由第26期艺训班出身的赵璧渝，虽然至今参演过逾70部剧集，但一直以来都是「茄喱啡」角色，直至于《法证先锋IV》一脱成名，及后在《逆天奇案》、《白色强人II》等剧集的戏份也愈来愈重，Osanna坦言压力逐渐增大，但谓：呢种压力我想要咗好耐，因为中间有少少停滞，都系演OL、妈妈，角色转变唔大，发挥亦唔太多，自己就谂会唔会以后都系咁，所以而家我系Enjoy，会捉紧机会，希望可以上位。
愧对妈咪挨足多年仍籍籍无名，难免会灰心，试过户口存款不够100蚊的Osanna，直言冇粮出时曾想过放弃，经济系几大慨挑战，因为我畀唔到家用屋企，要悭住食、问人借衫，试过一个月收到几个炸弹，去埋份粮都呕凸，我就同人讲要做嘢啰。（愧对妈咪？）有，对比家姐赚到钱畀家用，我白食白住系会自卑啲，但妈咪好锡我，好多谢渠畀我咁任性，今次《逆》出街，我未见过佢咁兴奋，觉得终于畀人睇到自己个女有作品出街。
对于港姐的演艺路较顺，Osanna自言冇家底又唔够靓，故没以选美入行，自己会努力一点追回多行的路。
Osanna于去年播出的剧集《法证先锋IV》中，因上演天台除剩Bra戏而为人熟悉。
恨献初吻谈到《逆》剧中，首次发展感情线的Osanna笑称，很遗憾与拍档陈伟鸿冇咀戏，问想向谁献出荧幕初吻？她怕丑笑道：「靓仔得㗎喇，同埋要好戏，我钟意有才华、魅力，唔一定要外表好靓仔。」不过，Osanna又大赞合拍《白色II》和《陀枪师姐2021》的陈豪，既风趣幽默又细心，是其心目中的Dream man，「有呢个福份同渠拍谈情戏更好啦！」并谓想挑战狐狸精、小三等奸角，至于性感底线？她说：电视尺度唔会太过分，做演员唔好Set太多Limit，合理、健康就OK。
与陈展鹏和古明华合拍《逆天奇案》，Osanna从两位前辈身上学识如何拿捏节奏及语气。
为以最Fit状态宣传，Osanna也积极做运动修身。
曾跟陈豪合拍《陀枪师姐2021》的Osanna大赞对方好吸引，希望将来有机会合演感情戏。
单亲家庭成长的Osanna坦言多年来畀的家用十只手指数得晒，她感激妈咪一直默默支持。
把握上位机会的Osanna直言只要健康、剧情需要，也不介意性感演出。
Osanna不时于社交网分享性感泳衣照，大骚33C火辣身材。
做了多年跑龙套，Osanna（左二）最深刻着背心裙挨冷一整晚等埋位，搞到发高烧病足一星期。
在《白色强人》演技获赞的Osanna早前也获邀参演续集。
